यूएस ओपनका उपविजेता जेभेरेभ दोस्रो चरणमा
<p style="text-align: justify;">काठमाडौं। यूएस ओपनका उपविजेता एलेक्जेन्डर जेभेरेभले डेनिस नोभाकलाई ३-० को सोझो सेटमा हराउँदै फ्रेन्च ओपनको दोस्रो चरणमा स्थान बनाएका छन्।</p>
<p style="text-align: justify;">छैटौं वरीयताप्राप्त जेभेरेभले पहिलो सेटमा संघर्ष गर्नु परेको थियो। जेभेरेभले नोभाकलाई पहिलो सेट ७-५ को स्कोरमा हराएका थिए।</p>
<p style="text-align: justify;">तर, बाँकी सेटमा भने जर्मनीका जेभेरेभले सहज विजय हासिल गरे। उनले अस्ट्रियाका नोभाकलाई बाँकी सेटमा ६–२, ६–४ ले हराए।</p>
<p style="text-align: justify;">‘‘सबैले मलाई ग्राण्ड स्लाममा राम्रो खेल्न सक्दैन भन्थे। तर यो वर्ष मैले आफूलाई प्रमाणित गरेर देखाउन सफल भएको छु,’’ २३ वर्षे जेभेरेभले भने।</p>
<p style="text-align: justify;">जेभेरेभ अस्ट्रेलियन ओपनको पनि अन्तिम चारमा स्थान बनाउन सफल भएका थिए।</p>
<p style="text-align: justify;">जेभेरेभले अब अमेरिकाका माइकल मोह र फ्रान्सका पिइरे-हुगुइस हेबर्टबीचको विजेतासँग प्रतिस्पर्धा गर्नेछन्।</p>
<p style="text-align: justify;">११औं वरीयताका डेबिड गोफिन भने जान्निक सिन्नरसँग ७-५, ६-०, ६-३ को सेटमा पराजित भए। </p>
.jpg)
