पञ्जाबविरुद्ध राजस्थानको रोमाञ्चक जित: २२४ रन बनाउन तीन खेलाडीको अर्धशतक
<p>काठमाडौं। आईपीएलमा २२४ रनको विशाल विजय लक्ष्य पछ्याएको राजस्थान रोयल्सले तीन खेलाडीको अर्धशतक मद्दतमा किङ्ग्स इलेभने पञ्जाबलाई ४ रनले पराजित गरको छ।</p>
<p>टस जितेर फिल्डिङ रोजेको राजस्थानले पहिलो इनिङको समाप्तिमा २२४ रनको विजय लक्ष्य पाएको थियो।</p>
<p>१२० बलमा २२४ रन बनाउनु पर्ने चुनौतीसहित जवाफी ब्याटिङमा उत्रिएको राजस्थानले ओपनर जोस बटलरलाई ४ रनमा गुमाएको थियो।</p>
<p>तर, कप्तान स्टेभन स्मिथ र सन्जु सेमसनले इनिङ सम्हालेर टोलीलाई लक्ष्यतर्फ डोर्‍याएका थिए। २७ बलमा ७ चौका र २ छक्कासहित स्मिथले ५० रन बनाउँदा सेमसनले ४२ बलमा ४ चौका र ७ छक्कासहित ८५ रनको योगदान गरे।</p>
<p>पञ्जाबका लागि मोहम्मद सामीले ३, तथा जेम्स निशम, मुरुगान आश्विन र सेल्डोन कोट्रेलले १ विकेट लिए। </p>
<p>त्यस्तै एकै ओभरमा ५ छक्का प्रहार गरेका राहुल तेवाटियाले ३१ बलमा ५३ रनको जोडे। जोफ्रा आर्चर ३ बलमा १३ रन तथा टोमस कुरान १ बलमा ४ रन जोडेर अविजित रहे।</p>
<p>पहिलो इनिङमा टस हारेर पहिले ब्याटिङको निम्तो पाएको पञ्जाबका लागि कप्तान केएल राहुलले ५४ बलमा ७ चौका र १ छक्कासहित ६९ रन बनाएका थिए।</p>
<p>विस्फोटक ब्याटिङ गरेका अर्का ओपनर मयङ्क अग्रवालले ५० बलमा १० चौका र ७ छक्कासहित १०६ रनको शानदार इनिङ खेले।</p>
<p>त्यस्तै ग्लेन म्याक्सवेल १३ तथा निकोलस पुरन २५ रनमा अविजित रहेका थिए।</p>
<p>राजस्थानका लागि अंकित राजपूत र टोम कुरानले १/१ विकेट लिए।</p>
<p> </p>
<p>राजस्थानलाई जितका लागि १२० बलमा २२४ रन आवश्यक छ।</p>
प्रतिक्रिया दिनुहोस्
.jpg)
