पञ्जाबले राजस्थानलाई दियो २२४ रनको लक्ष्य: अग्रवालको शतक, राहुलको अर्धशतक
<p>काठमाडौं। ओपनरद्वय मयङ्क अग्रवालको शतक तथा कप्तान केएल राहुलको अर्धशतकप्रेरित किङ्ग्स इलेभेन पञ्जाबले आईपीएलमा राजस्थान रोयल्सलाई २२४ रनको विजय लक्ष्य दिएको छ।</p>
<p>टस हारेर पहिले ब्याटिङको निम्तो पाएको पञ्जाबका लागि कप्तान राहुलले ५४ बलमा ७ चौका र १ छक्कासहित ६९ रन बनाए।</p>
<p>विस्फोटक ब्याटिङ गरेका अर्का ओपनर मयङ्कले ५० बलमा १० चौका र ७ छक्कासहित १०६ रनको शानदार इनिङ खेले।</p>
<p>त्यस्तै ग्लेन म्याक्सवेल १३ तथा निकोलस पुरन २५ रनमा अविजित रहे।</p>
<p>राजस्थानका लागि अंकित राजपूत र टोम कुरानले १/१ विकेट लिए।</p>
<p>राजस्थानलाई जितका लागि १२० बलमा २२४ रन आवश्यक छ।</p>
प्रतिक्रिया दिनुहोस्
.jpg)
