मनिष पान्डेको अर्धशतकमा हैदराबादले कोलकातालाई दियो १४३ रनको लक्ष्य
<p>काठमाडौं। मनिष पाण्डेको अर्धशतकप्रेरित सनराइजर्स हैदराबादले इन्डियन प्रिमियर लिग (आईपीएल)मा कोलकाता नाइट राइडर्सलाई १४३ रनको विजय लक्ष्य दिएको छ।</p>
<p>टस जितेर ब्याटिङ रोजेको हैदराबादले निर्धारित २० ओभरमा ४ विकेट गुमाएर १४२ रनको योगफल तयार पार्‍यो।</p>
<p>हैदराबादका लागि ओपनिङमा आएका कप्तान डेभिड वार्नरले ३० बलमा २ चौका र १ छक्कासहित ३६ रनको योगदान गरे।</p>
<p>त्यस्तै मनिषले ३८ बलमा ३ चौका र २ छक्कासहित ५१, तथा ऋद्धिमान साहाले ३० बलमा ३१ रन जोडे।</p>
<p>अन्य ब्याट्सम्यानले उल्लेख्य रन बनाउन नसक्दा हैदराबादले १२० बलमा १४२ रन मात्र बनाउन सक्यो।</p>
<p>कोलकाताका लागि प्याट कमिन्स, बरुण चक्रवर्ती र आन्द्रे रसलले १/१ विकेट लिए।</p>
प्रतिक्रिया दिनुहोस्
.jpg)
