ब्राइटनमाथि युनाइटेडको संघर्षपूर्ण जित
<p>एजेन्सी। इन्जुरी सयममा पाएको पेनाल्टीको मद्दतमा म्यानचेस्टर युनाइटेडले इङ्लिस प्रिमियर लिगमा आज ब्राइटन एन्ड होभ अल्बियनविरुद्ध २-३ गोलको जित हासिल गरेको छ।</p>
<p>यसअघि खेलमा घरेलु मैदानमा क्रिस्टल प्यालेससँग ३-१ ले पराजित भएको युनाइटेडले ब्राइटनविरुद्ध हासिल गरेको नाटकीय जित नै पहिलो सुखद् नतिजा हो।</p>
<p>ब्राइटनको मैदानमा भएको खेलको ४० पहिलो हाफ सकिन ५ मिनेट बाँकी रहँदा निल मौपेले गोल गर्दै घरेलु टोलीलाई अग्रता दिलाएका थिए।</p>
<p>त्यसको ३ मिनेट नबित्दै ब्राइटन कप्तान लेविस डन्कले गरेको आतमघाति गोलसँगै युनाइटेडले बराबरी गर्‍यो।</p>
<p>गोलका लागि संघर्षरत युनाइटेडका लागि ५५औं मिनेटमा ब्रुनो फर्नान्डेजले दिएको पासलाई मार्कस रासफोर्डले गोलमा परिणत गर्दै अग्रता दिलाएका थिए।</p>
<p>तर इन्जुरी समयमा सोली मार्सले गोल गर्दै घरेलु टोलीलाई बराबरीमा ल्याएका थिए। तर, खेलको अन्तिम समयमा मौपेले पेनाल्टी एरियामा ह्यान्ड गरेपछि युनाइटेडले पेनाल्टी पायो।</p>
<p>ब्रुनोले सोही पेनाल्टीको सदुपयोग गर्दै युनाइटेडका लागि २-३ को जित निश्चित गरे।</p>
प्रतिक्रिया दिनुहोस्
.jpg)
