अंकविहीन वेस्ट ब्रोमले आज चेल्सीको सामना गर्दै
<p>एजेन्सी। सुरुआती दुई खेलमा मिश्रित नतिजा निकालेको चेल्सीले आज वेस्ट ब्रोमविच अल्बियनको सामना गर्दैछ।</p>
<p>पहिलो खेलमा ब्राइटनलाई ३-१ गोलको नतिजामा पराजित गरको चेल्सी दोस्रो खेलमा लिभरपुसँग पराजित भएको थियो।</p>
<p>यस वर्ष सरुवा बजारमा उल्लेख्य पैसा खर्च गरेको चेल्सी उपाधिमा दाबेदारी प्रस्तुत गर्न आजको खेल जित्नै पर्ने दबाबमा छ।</p>
<p>पहिलो खेलमा लेस्टर सिटीसँग ३-० को नतिजामा पराजति भएको वेस्ट ब्रोम दोस्रो खेलमा एभर्टनसँग ५-२ ले स्तब्ध भएको थियो।</p>
<p>सुरुआती दुई खेलमा अंकविहीन वेस्ट ब्रोमले आज घरेलु मैदानमा तीन अंकका लागि भ्रमणकारी चेल्सीलाई चुनौती दिने सम्भावना छ।</p>
<p>चेल्सीले यसै सिजन भित्र्याएका खेलाडीहरू बेन चिलवेल, हाकिम जियाच, टिएगो सिल्भाले पनि आजको खेलमा डेब्यू गर्ने सम्भावना छ।</p>
प्रतिक्रिया दिनुहोस्
.jpg)
