सन्दीपको दिल्लीले चेन्नईलाई ४४ रनले हरायो
<p>काठमाडौं‌। सन्दीप लामिछाने सम्मिलित दिल्ली क्यापिटल्सले इन्डियन प्रिमियर लिग (आईपीएल)मा आज चेन्नई सुपर किङ्ग्सलाई ४४ रनले पराजित गरेको छ।</p>
<p>टस हारेर पहिले ब्याटिङको निम्तो पाएको दिल्लीले निर्धारित २० ओभरमा ३ विकेट गुमाएर १७५ रनको योगफल तयार गरेको थियो।</p>
<p>१७६ रनको विजय लक्ष्यसहित जवाफी ब्याटिङमा उत्रिकएको चेन्नईले निर्धारित २० ओभरमा ७ विकेट गुमाएर १३१ रन मात्र बनाउन सक्यो।</p>
<p>दिल्लीले पृथ्वी शहको अर्धशतक मद्दतमा ३ विकेट गुमाएर १७५ रनको योगफल तयार गर्‍यो।</p>
<p>दिल्लीका शहले ४३ बलको सामना गर्दै ९ चौका र १ छक्कासहित ६४ रन बनाउँदा शिखर धवनले २७ बलमा ३५ रन जोडेका थिए।</p>
<p>त्यस्तै ऋषभ पन्तले २५ बलमा ५ चौकासहित अविजित ३७ रन बनाए भने कप्तान श्रेयस ऐयर २२ बलमा २६ रन जोडेर पेभेलेयन फर्केका थिए।</p>
<p>चेन्नईका लागि पियुस चावलाले २ तथा साम कुरानले १ विकेट लिए। आजको खेलमा सन्दीप सुरुआती ११ मा परेका थिएनन्।</p>
<p>चेन्नईका लागि ३५ बलमा ४ चौकासहित फाप डू प्लेसिसले ४३ तथा केदार जाधवले ३६ रन बाहेक अरुले उल्लेख्य योगदान गर्न सकेनन्।</p>
<p>दिल्लीका लागि कागिसो रवाडाले ३ तथा अन्‍रिच नोर्ट्जेले २ विकेट लिए।</p>
प्रतिक्रिया दिनुहोस्
.jpg)
