सन्दीपको दिल्लीले चेन्नईलाई दियो १७६ रनको लक्ष्य
<p>काठमाडौं। सन्दीप लामिछाने बिना मैदानमा उत्रिएको दिल्ली क्यापिटल्सले इन्डियन प्रिमियर लिग (आईपीएल)मा आज चेन्नई सुपर किङ्ग्सलाई १७६ रनको विजय लक्ष्य दिएको छ।</p>
<p>टस हारेर ब्याटिङको निम्तो पाएको दिल्लीले पृथ्वी शहको अर्धशतक मद्दतमा ३ विकेट गुमाएर १७५ रनको योगफल तयार गर्‍यो।</p>
<p>शहले ४३ बलको सामना गर्दै ९ चौका र १ छक्कासहित ६४ रन बनाउँदा शिखर धवनले २७ बलमा ३५ रन जोडे।</p>
<p>त्यस्तै ऋषभ पन्तले २५ बलमा ५ चौकासहित अविजित ३७ रन बनाए भने कप्तान श्रेयस ऐयर २२ बलमा २६ रन जोडेर पेभेलेयन फर्के।</p>
<p>चेन्नईका लागि पियुस चावलाले २ तथा साम कुरानले १ विकेट लिए। आजको खेलमा सन्दीप सुरुआती ११ मा परेका छैनन्।</p>
प्रतिक्रिया दिनुहोस्
.jpg)
