१०९ रनमा सीमित भयो बेङ्ग्लोर, राहुलको शतकमा पञ्जाबको शानदार जित
<p>काठमाडौं। केएल राहुलको विस्फोटक ब्याटिङको मद्दतमा विशाल योगफल बनाएको किङ्ग्स इलेभने पञ्जाबले इन्डियन प्रिमियर लिग (आईपीएल)मा आज रोयल च्यालेन्जर्स बेङ्ग्लोरलाई ९७ रनले पराजित गरेको छ।</p>
<p>टस हारेर पहिले ब्याटिङको निम्तो पाएको पञ्जाबले निर्धारित २० ओभरमा मात्र ३ विकेट गुमाएर २०६ रनको विशाल योगफल बनाएको थियो। त्यस क्रममा पञ्जाबका कप्तान केएल राहुलले जारी सिजनको पहिलो शतक बनाएका थिए।</p>
<p><img alt="" height="533" src="https://img.dekhapadhi.de/uploads/posts/1600963453.kl%20rahul.jpg" width="800" /></p>
<p>६९ बलको सामना गरेका उनले १४ चौका र ७ छक्कासहित अविजित १३२ रन जोडेका थिए। त्यस्तै मयन्क अग्रवालले २६ रन बाहेक अन्य ब्याट्सम्यानले उल्लेख्य रन बनाउन सकेनन्।</p>
<p>दोस्रो इनिङमा २०७ रनको विजय लक्ष्यसहित जवाफी ब्याटिङमा उत्रिएको विराट कोहलीको बेङ्ग्लोरले १७ ओभरमा सबै विकेट गुमाएर १०९ रन मात्र बनाउन सक्यो।</p>
<p>वासिङ्टन सुन्दरले ३०, एबी डी भिलियर्सले २८ तथा एरोन फिन्चले २० बाहेक अन्य ब्याट्सम्यानले १५ को आँकडा पार गर्न सकेनन्। कप्तान कोहली ५ बलमा १ रन जोडेर पेभेलियन फर्के।</p>
<p>सशक्त बलिङ गरेका रवि विस्नोइ र मुरुगान आश्विनले पञ्जाबका लागि ३/३ विकेट लिए।</p>
<p>फलस्वरुप खेलको नतिजा सहजै पञ्जाबको पक्षमा पर्‍यो।</p>
<p>पहिलो खेलमा दिल्ली क्यापिटल्ससँग सुपर ओभरमा पराजित भएको पञ्जाबको यो नै जारी सिजनको पहिलो जित हो।</p>
प्रतिक्रिया दिनुहोस्
.jpg)
