राहुलको शतकमा पञ्जाबले बेङ्ग्लोरलाई दियो २०७ रनको लक्ष्य
<p>काठमाडौं। केएल राहुलको अविजित शतकप्रेरित किङ्ग्स इलेभेन पञ्जाबले रोयल इन्डियन प्रिमियर लिग (आईपीएल)मा रोयल च्यालेन्जर्स बेङ्ग्लोरलाई २०७ रनको विजय लक्ष्य दिएको छ।</p>
<p>टस हारेर पहिले ब्याटिङको निम्तो पाएको पञ्जाबका लागि कप्तान राहुलले ६९ बलमा १४ चौका र ७ छक्कासहित अविजित १३२ रनको योगदान गरे।</p>
<p>त्यस्तै मयन्क अग्रवालले २० बलमा ४ चौकासहित २६ रनको योगफल बनाउनु बाहेक अन्य ब्याट्सम्यानले २० को आँकडा पार गर्न सकेनन्।</p>
<p>ओपनिङमा आएका राहुलले अविजित इनिङ खेलेपछि पञ्जाबले निर्धारित २० ओभरमा मात्र ३ विकेट गुमाएर २०६ रन बनायो।</p>
<p>विराट कोहली नेतृत्वको बेङ्ग्लोरलाई १२० बलमा २०७ रन आवश्यक हुनेछ।</p>
<p> </p>
प्रतिक्रिया दिनुहोस्
.jpg)
