पहिलो खेलमै हार्यो कोलकाता
<p>काठमाडौं। कप्तान रोहित शर्माको अर्धशतकप्रेरित मुम्बई इन्डियन्सले इन्डियन प्रिमियर लिग (आईपीएल)मा आज कोलकाता नाइट राइडर्सलाई ४९ रनले पराजित गरेको छ।</p>
<p>अबुधावीस्थित शेख जाइद रंगशालामा टस हारेर पहिले ब्याटिङको निम्तो पाएको मुम्बईका लागि ओपनिङमा आएका कप्तान शर्माले ५४ बलमा ३ चौका र ६ छक्कासहित ८० रन जोडेका थिए। त्यस्तै २८ बलमा ६ चौका र १ छक्कासहित ४७ रन बनाएका सूर्यकुमार यादव ३ रनले अर्धशतक बनाउनबाट चुके।</p>
<p>कोलकाताका लागि किफायती बलिङ गरेका शिवम माभीले ४ ओभरमा ३२ रन खर्चिएर २ विकेट लिए।</p>
<p>१९६ रनको विजय लक्ष्यसहित जवाफी ब्याटिङमा उत्रिएको कोलकाताका लागि प्याट कमिन्सले ३३, कप्तान दिनेश कार्तिकले ३० र नितिश रानाले २४ बाहेक अन्य ब्याट्सम्यानले उल्लेख्य रन बनाउन सकेनन्।</p>
<p>फलस्वरुप निर्धारित २० ओभरमा १४६ रन मात्र बनाउँदा हारसँगै नयाँ सिजनको सुरुआत गर्नुपर्‍यो।</p>
प्रतिक्रिया दिनुहोस्
.jpg)
