मुम्बईले कोलकातालाई दियो १९६ रनको विजय लक्ष्य
<p>काठमाडौं। कप्तान रोहित शर्माको विस्फोटक अर्धशतकको मद्दतमा इन्डियन प्रिमियर लिग (आईपीएल) अन्तर्गत अहिले जारी खेलमा मुम्बई इन्डियन्सले कोलकाता नाइट राइडर्सलाई १९६ रनको लक्ष्य दिएको छ।</p>
<p>प्रतियोगिताको दोस्रो खेल खेलिरहेको मुम्बईले निर्धारित २० ओभरमा ५ विकेट गुमाएर १९५ रनको योगफल तयार गर्‍यो।</p>
<p>अबुधावीस्थित शेख जाइद रंगशालामा टस हारेर पहिले ब्याटिङको निम्तो पाएको मुम्बईका लागि ओपनिङमा आएका कप्तान शर्माले ५४ बलमा ३ चौका र ६ छक्कासहित ८० रन जोडे। त्यस्तै २८ बलमा ६ चौका र १ छक्कासहित ४७ रन बनाएका सूर्यकुमार यादव ३ रनले अर्धशतक बनाउनबाट चुके।</p>
<p>कोलकाताका लागि किफायती बलिङ गरेका शिवम माभीले ४ ओभरमा ३२ रन खर्चिएर २ विकेट लिए।</p>
<p>जारी सिजनको पहिलो खेलमा मुम्बई चेन्नई सुपर किङ्ग्ससँग पराजित भएको थियो भने कोलकाताको यो नै पहिलो खेल हो।</p>
प्रतिक्रिया दिनुहोस्
.jpg)
