राजस्थानले चेन्नईलाई दियो २१७ रनको लक्ष्य, कप्तान स्मिथ र सेमसन अर्धशतक
<p>काठमाडौं। सन्जु सेमसन र कप्तान स्टेभन स्मिथको विस्फोटक अर्धशतक प्रेरित राजस्थान रोयल्सले इन्डियन प्रिमियर लिग (आईपीएल)अन्तर्गत अहिले जारी खेलमा चेन्नई सुपर किङ्ग्सलाई २१७ रनको विजय लक्ष्य दिएको छ।</p>
<p>कोरोना भाइरसका कारण यूइईमा जारी लिगमा आफ्नो पहिलो खेल खेलिरहेको राजस्थानले टस हारेर पहिले फिल्डिङको निम्तो पाएको थियो।</p>
<p>ओपनिङमा आएका स्मिथले ४७ बलमा ४ चौका र ४ छक्कासहित ६९ तथा सेमसनले ३२ बलमा १ चौका र ९ छक्कासहित ७४ रनको अर्धशतकीय इनिङ खेले।</p>
<p>त्यस्तै अन्तिममा ब्याटिङमा आएका जोफ्रा आर्चरले ८ बलमा २७ रनको इनिङ खेलेसँगै राजस्थानले निर्धारित २० ओभरमा ७ विकेट गुमाएर २१६ रनको योगफल तयार गर्‍यो।</p>
<p>चेन्नईका लागि साम कुरानले ४ ओभरमा ३३ रन खर्चेर ३ विकेट लिएका थिए।</p>
प्रतिक्रिया दिनुहोस्
.jpg)
