इमर्जिङ टिम्स कप: बंगलादेशसामु नेपालद्वारा १३९ रनको लक्ष्य प्रस्तुत
<p>काठमाडौं। एसीसी इमर्जिङ टिम्स कप अन्तर्गत नेपालले समूहको तेस्रो खेलमा आज बंगलादेशसँग खेलिरहेको छ। </p>
<p>टस हारेर पहिले ब्याटिङमा निम्त्याइएको नेपालले आयोजक बंगलादेशसामु लक्ष्य प्रस्तुत गरेको छ।</p>
<p>टस हारेर पहिले ब्याटिङमा निम्त्याइएको नेपालको पारी शुरुवाती पाँच ओभर सम्हालिएको देखिए पनि त्यसपछि भने लडखडाएको थियो। </p>
<p>३३ रन हुँदा ६ दशमलब ५ ओभरमा कुशल भुर्तेल (१०) गुमाएको नेपालले ८ औं ओभरको अन्तिम बलमा कप्तान ज्ञानेन्द्र मल्ललाई व्यक्तिगत २२ रनको स्कोरमा गुमायो।</p>
<p>जुन बेला नेपालको स्कोर ३४ रन थियो। </p>
<p>त्यसपछि आएका सदर भेषावकर पनि चल्न सकेनन्। उनी नवौं ओभरको दोस्रो बलमा मात्र एक रन बनाएर आउट भए। दिपेन्द्र ऐरी ६ रनमा आउट हुँदा मोहम्मद आरिफ ११ रनमा पेवेलिएन फर्किए। </p>
<p>त्यस्तै सन्दीप जोरा शून्य रनमा आउट हुँदा पवन सर्राफ पनि धेरैबेर क्रिजमा टिक्न सकेनन्। उनी मात्र ९ रनमा आउट भए। मात्र ८५ रन हुँदा नेपालले विनोद भण्डारीलाई ८ औं विकेटकारुपमा गुमायो।</p>
<p>विनोदले मात्र ८ रन बनाए। </p>
<p>त्यसपछि सोमपाल कामी र करण केसीले नेपालका लागि मध्यम साझेदारी गरे। ५१ रनको साझेदारी हुँदै गर्दा करण केसी व्यक्तिगत १८ रनमा आउट भए।</p>
<p>सोमपाल कामीले ३८ रन बनाए भने सुशन भारी १ रन नटआउट रहे। </p>
<p>यसरी नेपालले ४३ दशमलब ३ ओभरमा सवै विकेट गुमाएर मात्र १ सय ३८ रन बनाउन सक्यो। </p>
<p>ढाकामा जारी प्रतियोगितामा अघिल्ला दुई खेलमा जित निकालेको बगंलादेश समूहको शीर्ष स्थानमा छ।</p>
<p>नेपाल भने एकमा जित र एकमा हार व्यहोर्दै दुई अंक बनाएको छ। सेमिफाइनल पुग्न नेपाललले आजको खेल जित्नै पर्ने हुन्छ।</p>
<p>बंगलादेशलाई हराएपनि नेपालको अन्तिम चारको सम्भावना रनरेटका आधारमा निर्धारण हुनेछ।</p>
<p>यसअघि बंगलादेशले भारत र हङकङलाई हराएको थियो। नेपाल भारतसँग पराजित भएको थियो भने हङकङलाई हराएको थियो।</p>
<p>आजै भारत र हङकङ पनि प्रतिष्पर्धा गर्दैछन्। हङकङले भारतलाई हराएमा नेपालको सेमिफाइनल पुग्ने सम्भावना बलियो हुनेछ।</p>
प्रतिक्रिया दिनुहोस्
.jpg)
