१० जनामा सीमित चेल्सी लिभरपुलसँग पराजित
<p>एजेन्सी। सडियो मानेको दुई गोलप्रेरित लिभरपुलले इङ्लिस प्रिमियर लिगमा आज चेल्सीलाई २-० को नतिजामा पराजित गरेको छ।</p>
<p>घरेलु मैदानमा भएको खेलकाे पहिलो हाफ सकिन एक मिनेट बाँकी रहँदा रक्षक आन्द्रेस क्रिस्टियनसन रातो कार्डको सामना गर्दै मैदानबाट बाहिरिएपछि चेल्सी १० जनामा सीमित भएको थियो।</p>
<p>दोस्रो हाफमा १० जनामा सीमित चेल्सीमाथि हाबी बनेको लिभरपुलका लागि मानेले ५०औं मिनेटमा हेडरमार्फत गोल गर्दै अग्रता दिलाएका थिए। </p>
<p>त्यसको चार मिनेट नबित्दै चेल्सीका गोलकिपर केपा अरिजाबालागाले गरेको गल्तिको फाइदा उठाउँदै मानेले व्यक्तिगत दोस्रो गोल गरे।</p>
<p>लिभरपुलका डेब्यूट्यान्ट टिएगो अलाकान्ताराले चेल्सीका टिमो वेर्नरलाई १८ यार्ड बक्समा लडाएपछि घरेलु टोलीले ७५औं मिनेटमा गोल गर्ने माैका पाएको थियो।</p>
<p>तर, जर्जिन्होले स्पटबाट गरेको प्रहार लिभरपुलका गोलकिपर एलिसन बेकरले रोकेपछि चेल्सीले गोलविहीन हुनुपर्‍यो।</p>
<p>जितसँगै च्याम्पियन लिभरपुलले दुई खेलबाट ६ अंक जोडेको छ।</p>
प्रतिक्रिया दिनुहोस्
.jpg)
