दिल्लीविरुद्ध १५८ रनको विजयलक्ष्य पछ्याउँदै पञ्जाब
<p>काठमाडौं। इन्डियन प्रिमियर लिग (आईपीएल) अन्तर्गत आज जारी खेलमा सन्दीप लामिछाने सम्मिलि दिल्ली क्यापिटल्सले किङ्ग्स इलेभेन पञ्जाबलाई १५८ रनको विजयलक्ष्य दिएको छ।</p>
<p>यूएईमा जारी खेलमा टस हारेर ब्याटिङको निम्तो पाएको दिल्लीले निर्धारित २० ओभरमा ८ विकेट गुमाएर १५७ रनको योगफल तयार गर्‍यो।</p>
<p>सुरुआती ब्याट्सम्यानले उल्लेख्य प्रदर्शन गर्न नसके पनि मार्कस स्टोइनिसले २१ बलमा अर्धशतकीय इनिङ खेलेपछि दिल्लीले सम्मानजनक योगफल तयार गर्‍यो। उनले ७ चौका र ३ छक्का प्रहार गरेका थिए।</p>
<p>त्यस्तै कप्तान श्रेयस ऐयरले ३२ बलमा ३ छक्कासहित ३९ रनको योगदान गर्दा ऋषभ पन्तले २९ बलमा ४ चौकासहित ३१ रन जोडे।</p>
<p>पञ्जाबका लागि मोहम्मद शामीले ४ ओभरमा १५ रन खर्चेर सर्वाधिक ३ विकेट लिए।</p>
<p>१५८ रनको विजयलक्ष्यसहित जवाफी ब्याटिङमा उत्रिएको पञ्जाबले ३.५ ओभर कुनै पनि विकेट नगुमाई २८ रन जोडेको छ।</p>
<p>आजको खेलमा नेपाली स्टार स्पिनर सन्दीप लामिछाने खेलेका छैनन्।</p>
प्रतिक्रिया दिनुहोस्
.jpg)
