पञ्जाबविरुद्ध आजको खेलमा सन्दीप नखेल्ने
<p>काठमाडौं। इन्डियन प्रिमियर लिग (आईपीएल)अन्तर्गत केही बेरमा हुने किङ्ग्स इलाभेन पञ्चाबविरुद्धको खेलमा दिल्ली क्यापिटल्सले सन्दीप लामिछानेलाई नखेलाउने भएको छ।</p>
<p>नेपालीसमय अनुसार ७:४५ मा सुरु हुने खेलमा टस हारेर दिल्लीले पहिले ब्याटिङको निम्तो पाएको छ। क्यारेबियन प्रिमियर लिगका लागि अफ्रिका पुगेका सन्दीप उतैबाट यूएई पुगेका थिए।</p>
<p>तर, आजको खेलमा भने दिल्लीले उनलाई सुरुआती ११ मा राखेको छैन। कोरोना भाइरसका कारण पूर्वनिर्धारित समयमा हुन नसकेको आईपीएल यसपटक यूएईमा हुँदैछ। </p>
<p>शनिबारदेखि सुरु भएको लिगको पहिलो खेलमा चेन्नई सुपरकिङ्ग्सले मुम्बई इन्डियन्सलाई पाँच विकेटले पराजित गरेको थियो।</p>
<p>सन्दीपको दिल्लीले आफ्नो दोस्रो खेलमा शुक्रबार चेन्नईको सामना गर्नेछ।</p>
प्रतिक्रिया दिनुहोस्
.jpg)
