डोमिनिक काल्भर्ट लेभिनको ह्याट्रिकमा एभर्टनको सहज जित
<p>एजेन्सी। डोमिनिक काल्भर्ट लेभिनको ह्याट्रिकप्रेरित एभर्टनले इङ्लिस प्रिमियर लिगमा आज वेस्टब्रोमलाई ५-२ गोलको नतिजामा पराजित गरेको छ।</p>
<p>एभर्टनको घरेलु मैदानमा भएको खेलको दशौं मिनेटमा लिएको अग्रता जोगाउन नसक्दा वेस्टब्रोमले पराजय बेहोर्नु पर्‍यो। ग्र्याडी डियान्गाले दशौं मिनेटमा गोलग गर्दै भ्रमणकारी वेस्टब्रोमलाई अग्रता दिलएका थिए।</p>
<p>एभर्टनका डोमिनिकले ३१औं मिनेटमा गोल गर्दै टोलीलाई बराबरीमा ल्याएका थिए। </p>
<p>पहिलो हाफको अन्तिम मिनेटमा हामेस रोडरिग्वेजले गोल गर्दै एभर्टनलाई पहिलो हाफमा २-१ को अग्रता दिलाएका थिए।</p>
<p>पहिलो हाफको अन्तिम मिनेटमा केइरन गिब्सले रातो कार्डको सामना गर्दै मैदानबाट बाहिरिएपछि १० जनामा सीमित भएको वेस्टब्रोम दोस्रो हाफमा सम्हालिन सकेन।</p>
<p>हुनत, दोस्रो हाफको सुरुआतमै म्याथ्युज पेरेराले वेस्टब्रोमलाई २-२ गोलको बराबरीमा फर्काएका थिए। तर, ५४औं मिनेटमा माइकल किनले एभर्टनका लागि तेस्रो गोल गरे। त्यसको आठ मिनेट नबित्दै डोमिनिकले व्यक्तिगत दोस्रो तथा क्लबका लागि चोथो गोल गरे।</p>
<p>त्यसको चार मिनेटपछि ६६औं मिनेटमा डोमिनिकले ह्याट्रिक पूरा गर्दै घरेलु टोलीका लागि रोमाञ्चक जित निश्चित गरे।</p>
<p>जितसँगै कार्लो एन्सेलोटीको एभर्टन दुई खेलमा जित हासिल गर्दै ६ अंकसहित शीर्ष स्थानमा छ।</p>
प्रतिक्रिया दिनुहोस्
.jpg)
