लेस्टरको सहज जितमा भार्डेको दुई गोल
<p>एजेन्सी। जेमी भार्डेको दुई गोल प्रेरित लेस्टर सिटीले इङ्लिस प्रिमियर लिगमा आज वेस्टब्रोमलाई ३-० को नतिजामा पराजित गरेको छ।</p>
<p>हिजोदेखि सुरु भएको प्रिमियर लिगको नयाँ सिजनको पहिलो खेलमा लेस्टरले सहज जित दर्ता गर्‍यो। खेलको सुरुआतदेखि नै गोलका लागि निरन्तर प्रयासरत लेस्टरले पहिलो हाफ गोलरहित बराबरीमा रोकिनु परेको थियो। </p>
<p>तर, दोस्रो हाफमा थप आक्रामक शैली अपनाएको लेस्टरका लागि ५६औं मिनेटमा टिमोथी कास्टाग्नेले पहिलो गोल गरेका थिए। </p>
<p>त्यस्तै, ७३औं मिनेटमा वेस्टब्रोमका काएल बार्ट्लेले भार्डेमाथि पेनाल्टी एरियामा फाउल गरेपछि लेस्टरले पेनाल्टी पाएको थियो। सोही पेनाल्टीको सदुपयोग गर्दै भार्डले भ्रमणकारी लेस्टरको अग्रता दोब्बर पारे।</p>
<p>निर्धारित ९० मिनेटको खेल सकिन ६ मिनेट बाँकी रहँदा डारा ओ'सेयाले पुन: लेस्टरका जेम्स जस्टिनविरुद्ध १८ यार्ड बक्समा फाउल गरेपछि ब्रेन्डेन रोजर्सको टोलीले दोस्रो पेनाल्टी पायो।</p>
<p>उक्त पेनाल्टीलाई पुन: गोलमा परिणत गर्दै भार्डेले लेस्टरको सहज जित सुनिश्चित गरे।</p>
<p>जितसँगै लेस्टरले तीन अंक जोडेको छ।</p>
प्रतिक्रिया दिनुहोस्
.jpg)
