एट्लेटिकोका प्रशिक्षक सिमोनीमा कोरोना संक्रमण
<p style="text-align: justify;">काठमाडौं। एट्लेटिको मड्रिडका प्रशिक्षक डिएगो सिमोनी कोरोना भाइरस संक्रमित भएका छन्। </p>
<p style="text-align: justify;">अर्जेन्टिनाका पूर्वमिडफिल्डर ५० वर्षे सिमोनीमा संक्रमणको कुनै लक्षण भने देखिएको छैन। उनी अहिले घरमै सेल्फ आइसोलेसनमा बसेका छन्। </p>
<p style="text-align: justify;">एटलेटिकोले शुक्रबारबाट प्रशिक्षण शुरू गरेको थियो। सिमोनीबाहेक टीममा अरुको कोरोना भाइरस परीक्षणको नतिजा नेगेटिभ आएको छ।</p>
<p style="text-align: justify;">एट्लेटिकोले २७ सेप्टेम्बरमा ग्रानाडाविरुद्धको खेलबाट ला लिगाको नयाँ सिजन शुरू गर्नेछ। </p>
<p style="text-align: justify;">स्पेनमा कोरोना भाइरस संक्रमितको संख्या बढ्दो छ। पछिल्लो २४ घण्टामा स्पेनमा १२ हजार १८३ संक्रमित थपिएका छन् भने ४८ को मृत्यु भएको छ। </p>
.jpg)
