प्रिमियर लिगको पहिलो खेलमा आर्सनलको फराकिलो जित
<p>काठमाडौं। आजबाट सुरु भएको इङ्लिस प्रिमियर लिगको नयाँ सिजको पहिलो खेलमा आर्सनलले सुखद सुरुआत गरेको छ। </p>
<p>यसै सिजन च्याम्पियनसिपबाट बढुवा भएको फुल्ह्यामको घरेलु मैदान क्रेभन कटेजमा भएको खेलमा आर्सनलले ३–० को फराकिलो जित हासिल गर्‍यो।</p>
<p>घरेलु टोलीमाथि हाबी बनेको आर्सनलले आठौं मिनेटमा अलेक्जेन्डर लाकाजेटले गरेको गोलबाट अग्रता लिएको थियो।</p>
<p>पहिलो हाफमा १–० ले पछि परेको फुल्ह्यामले दोस्रो हाफमा थप दुई गोल खायो। मिकेल अर्टेटाको आर्सनलका लागि रक्षक गाब्रियलले हेडरमार्फत गोल गर्दैै ४९ औं मिनेटमा टोलीको अग्रता दोब्बर पारेका थिए।</p>
<p>त्यसको आठ मिनेट नबित्दै विलियनको अर्को पासलाई गोलमा परिणत गर्दै कप्तान पिएर एम्रिक अबामियाङले आर्सनलको जित सुनिश्चित गरे।</p>
<p>गत सिजन आठौं स्थानमा रहेर सिजन टुङ्ग्याएको आर्सनलले पहिलो खेलमा हासिल गरेको जीतसँगै नयाँ सिजनको राम्रो सुरुआत गरेको छ।</p>
प्रतिक्रिया दिनुहोस्
.jpg)
