कागेश्वरी मनोहरा भर्चुअल पुम्से हुने
<p>काठमाडौं। कागेश्वरी मनोहरा नगर खेलकुद विकास समिति र मुलपानी तेक्वान्दो डोजाङको संयुक्त आयोजनामा प्रथम कागेश्वरी मनोहरा भर्चुअल तेक्वान्दो राष्ट्रिय खुला पुम्से प्रतियोगिता अक्टोबर १२ देखि हुने भएको छ।</p>
<p>प्रतियोगितामा पुरुषमा ६ र महिलामा ५ गरी ११ विधामा प्रतिस्पर्धा हुने आयोजक समितिका अध्यक्ष एवं प्रतियोगिता संयोजक रामप्रसाद पुडासैनीले जनाएका छन्।</p>
<p>सबै स्पर्धामा नगद पुरस्कार राखिएको आयोजकले जनाएको छ। हरेक स्पर्धामा शीर्ष तीन स्थान हात पार्ने खेलाडीले क्रमश: ३ हजार, २ हजार र १ हजार नगद पुरस्कार प्राप्त गर्नेछन्।</p>
<p>‘मस्ट पपुलर प्लेयर’ लाई नगद ५ हजारसहित पुरस्कृत गरिने छ। यो विधाको चयन गर्न हरेक खेलाडीको भिडिओलाई युट्युबमा राखिने छ।</p>
<p>ती मध्ये सर्वाधिक हेरिएको खेलाडीको भिडियोलाई ‘मोस्ट पपुलर प्लेयर’ अवार्ड प्रदान गरिने छ। कागेश्वरी मनोहरा नगरपालिका र युनिटी तेक्वान्दो डोजाङ, हङकङको प्रायोजनमा हुन लागेको प्रतियोगितामा सहभागी हुन इच्छुक खेलाडीले अक्टोबर ५ सम्म नाम दर्ता गराइसक्नु पर्ने छ।</p>
<p>नाम दर्ता गराएका खेलाडीले अक्टोबर ७ देखि ८ तारिखसम्म आफ्नो खेलको भिडिओ आयोजकलाई पठाउनु पर्नेछ। भिडिओ बढीमा ९० सेकेन्डको मात्र हुनुपर्ने आयोजकले बताएको छ।</p>
<p>दुईदिने प्रतियोगिता सञ्चालन गर्न अशोक खड्का, विक्रम खड्गी, मीन न्यौपाने, नोर्बु लामा र हीराबहादुर थापालाई निर्णायकमा चयन गरिएको छ।</p>
प्रतिक्रिया दिनुहोस्
.jpg)
