ह्यान्डबल संघद्वारा ११९ जनाको कोरोना बीमा
<p>पोखरा। नेपाल ह्याण्डबल संघले खेलाडी, प्रशिक्षक र रेफ्रीहरु गरी ११९ जनाको कोरोना बीमा गरेको छ।</p>
<p>विश्वमा महामारीको रुपमा कोरोना फैलिए सँगै संघले आफ्ना जुनियर तथा सिनियर राष्ट्रिय खेलाडी, प्रशिक्षक तथा रेफ्रीहरुको कोरोना बीमा गराएको हो।</p>
<p>अन्तर्राष्ट्रिय ह्याण्डबल महासंघ (आईएचएफ) को सहयोगमा पहिलो चरणमा १ सय १९ जनाको कोरोना बीमा गरिएको संघका महासचिब सन्देश रेग्मीले जानकारी दिए।</p>
<p>“हामीले पहिलो चरणमा १ सय १९ जनाको बीमा गरेका छौं” महासचिब रेग्मीले भने-“अझै करिब ५० जना छन्, एकै पटक नाम संकलनका लागि समस्या भएकोले यो साता भित्रै सवैको बीमा गर्दैछौं।” सवै प्रदेश र जिल्लाहरुबाट बीमा गर्न छुटेका खेलाडीहरुको नाम संकलन गर्ने काम भइरहेको समेत उनले बताए।</p>
<p>संघले जुनियर तथा सिनियर लेभलमा केही वर्ष देखि यताका जुनसुकै अन्तर्राष्ट्रिय प्रतियोगितामा सहभागी भएका खेलाडीहरुको कोरोना बीमा गराएको कोषाध्यक्ष मिठाराम अधिकारीले बताए।</p>
<p>उनले कोभिड १९ का कारण समस्यामा भएका खेलाडीहरुलाई समेत राहत बाँड्नका लागि सबै जिल्लाहरुबाट नाम संकलन कार्य भइरहेको बताउँदै यसका लागि आर्थिक बिनियमसमेत संघले तयार पारिसकेको जानकारी दिए।</p>
<p>अन्तर्राष्टिय ह्याण्डबल महासंघ (आई.एच.एफ) ले विश्वव्यापी रुपमा महामारीको रुपमा फैलिएको कोभिड १९ विरुद्ध लड्न र नेपालको ह्याण्डबल खेल विकासका लागि भन्दै ६ हजार स्विस फ्र्यान्क नेपाल ह्याण्डबल संघलाई सहयोग गरेको अध्यक्ष तेज गुरुङले बताए।</p>
प्रतिक्रिया दिनुहोस्
.jpg)
