सन्दीपको बलिङ बरीयता खस्कियो
<p>काठमाडाैं।लेग स्पिनर सन्दीप लामिछानेको बलिङ बरीयता खस्किएको छ। अन्तर्राष्ट्रिय क्रिकेट परिषद् (आईसीसी)ले सार्वजनिक गरेको टी २० बलिङ बरीयतामा सन्दीप एक स्थान झरेका हुन्। </p>
<p>नयाँ बरीयतामा सन्दीप ८०औँ स्थानमा छन्। उनले कूल ३ सय ८९ रेटिङ अङ्क पाएका छन्। यस अघि आईसीसीले सार्वजनिक गरेको बरीयतामा सन्दीप ७९ औँ स्थानमा थिए। हाल क्यारेवियन प्रिमियर लिग (सीपीएल) खेल्ने क्रममा उनी ट्रिनिडाड एण्ड टोबागोमा छन्।</p>
<p>उनले उक्त प्रतियोगितामा ११ खेलमा १२ विकेट प्राप्त गरेका थिए। </p>
<p>यस्तै विश्व बलिङ बरीयतामा अफगानिस्तानका राशिद खान र मुजिबउर रहमान क्रमश: पहिलो र दोस्रो स्थानमा छन्। दुवै जना हाल सीपीएल खेलिरहेका छन्।</p>
<p>सीपीएलमा राशिदले बार्बाडोसबाट तथा मुजिबउरले जमैकाबाट खेलेका थिए। यस्तै आईसीसीको बलिङ बरीयतामा अष्ट्रेलियाका एस्टन अगर तेस्रो, दक्षिण अफ्रिकाका ताब्रेज सामी चौंथो तथा अष्ट्रेलियाकै एडम जाम्पा पाँचौं स्थानमा छन्।</p>
प्रतिक्रिया दिनुहोस्
.jpg)
