वा..उउ.. युएस ओपन क्वार्टरफाइनल : जेनिफर ब्रैडी
<p>काठमाडौं। जेनिफर ब्रैडीले दुवै हात जोडेर छातीमा राखिन्। टाउको आकाशतिर फर्काइन्। आँखा बन्द गरिन्। र, टेनिस करिअरकै सबभन्दा ठूलो उपलब्धिको आनन्द महसुस गरिन्। </p>
<p>‘‘वा..उउ..,’’ ब्रैडीले युएस ओपनको क्वार्टरफाइनल पुग्दाको क्षणको व्याख्या गरिन्, ‘‘मात्र वा..उउ...।’’</p>
<p>२५ वर्षीय ब्रैडी स्थान बनाउने दुई अमेरिकीमध्येकी एक हुन्। ब्रैडीले पूर्वविजेता एन्जेलिक केरबेरलाई ६-१, ६-४ को सेटमा पराजित गरेकी हुन्। २०१६ को विजेता केरबेरले अमेरिकी खेलाडी ब्रैडीसामु कुनै पनि समय कडा चुनौती पेस गर्न सकिनन्। उनले एक समय ३-२ को अग्रता लिएकी थिइन्। तर, उक्त अग्रतालाई निरन्तरता दिन सकिनन्।</p>
<p><img src="/uploads/editor/2020-09-07/043239781Braidy2.jpg" /></p>
<p>ब्रैडीले अब काजकिस्तानकी युलिया पुतिन्टसेवाविरुद्ध खेल्नेछिन्। पुतिन्टसेवाले आठौं वरियता प्राप्त पेत्रा मार्टिकलाई ६-३, २-६, ६-४ को सेटमा पराजित गरेकी थिइन्। </p>
<p>अर्की अमेरिकी खेलाडी शेल्बी रोजर्सले छैटौं वरियताकी पेत्रा केभितोभालाई पराजित गर्दै क्वार्टरफाइनलमा स्थान बनाएकी हुन्। रोजर्सले केभितोभालाई ७-६(७/५), ३-६, ७-६(८/६) को सेटमा हराएकी हुन्।</p>
प्रतिक्रिया दिनुहोस्
.jpg)
