सन्दीप आबद्ध जमैकाको नवौं खेल आज राति
<p>काठमाडाैं। क्यारेबियन प्रिमियर लिग (सीपीएल)अन्तर्गत सन्दीप लामिछाने आबद्ध जमैका तालवाजले आफ्नो नवौँ खेल आज राति खेल्दै छ।</p>
<p>ट्रिनिडाडस्थित ब्रायन लारा रंगशालामा जमैकाले नवौँ खेल बार्बाडोस ट्रिनिडाडविरुद्ध खेल्नेछ। उक्त खेल राति १२ बजे शुरु हुने छ।</p>
<p>बार्बाडोसको भने यो १०औँ खेल हो। बार्बाडोससितको खेल जित्नका लागि जमैकाले ब्याटिङमा सुधार गर्नुपर्ने छ। जमैकाको ब्याटिङ लाइन कमजोर रहँदै आएको छ।</p>
<p>जमैका बलिङमाथि निर्भर रहँदै आएको छ। जमैकाले आठौँ खेल वर्षाका कारण खेल्न पाएको थिएन। जमैका तीन खेलमा जित हात पार्दै अंक तालिकाको चौथो स्थानमा छ।</p>
<p>दुई खेल अगावै जमैका सेमिफाइनल प्रवेश गरिसकेको छ। बार्बाडोस पाँचौँ स्थानमा रहेको छ। बार्बाडोस सीपीएलबाट बाहिरिएको छ। सन्दीपका लागि आजको खेल महत्वपूर्ण छ।</p>
<p>उनले सीपीएलमा हालसम्म सात खेलमा १० विकेट लिइसकेका छन्। सेन्ट किटस् विरुद्धको आठौँ खेल वर्षाका कारण रद्द हुँदा सन्दीपलाई घाटा भएको छ।</p>
<p>प्रतियोगितामा उनी सर्वाधिक विकेट लिने खेलाडीको छैटौँ स्थानमा छन्। सबैभन्दा बढी विकेट लिनेमा गुएना अमेजनका इमरान ताहिर छन्।</p>
<p>उनले १० खेलमा १५ विकेट लिएका छन्। यस्तै सर्वाधिक विकेट लिनेको सूचीमा जमैकाका मुजिब उर रहमान छन्। उनले आठ खेलमा १३ विकेट लिएका छन्।</p>
<p>प्रतियोगितामा ट्रीनबेगो नाइट राइडर्स ८ खेलमा १६ अंकका साथ शीर्ष स्थानमा छ। उसले अब सेमिफाइनलमा प्रतियोगिताको चौथो स्थानमा रहने टोलीसित खेल्ने छ।</p>
<p>गुयना एमेजन वारियर्स लिग चरणका १० वटै खेल खेलेर १२ अंकका साथ दोस्रो स्थानमा छ। आठ खेल खेलेको सेन्ट लुसिया जुक्स १० अंकसहित प्रतियोगिताको तेस्रो स्थानमा छ।</p>
<p>रासस</p>
प्रतिक्रिया दिनुहोस्
.jpg)
