रियाल मड्रिडका २१ वर्षीय डियाज एसी मिलानबाट खेल्ने
<p>काठमाडौं। इटालियन क्लब एसी मिलानले रियाल मड्रिडका अट्याकिङ मिडफिल्डर ब्राहिम डियाजलाई भित्र्याएको छ।</p>
<p>क्लबले २१ वर्षीय डियाजलाई आगामी सिजनको लागि लोनमा अनुबन्ध गरेको हो।</p>
<p>म्यानचेस्टर सिटीका पूर्वखेलाडी डियाज गत बुधबार इटाली पुगेका थिए र सिरी ए क्लबबाट २०२०-२१ को सिजन खेल्न सम्झौता गरेको क्लबले जनाएको छ। उनी त्यहाँ ३० जुन २०२१ सम्म रहने क्लबले जनाएको छ। क्लबले उनलाई २१ नम्बरको जर्सी दिने भएको छ।<br />
<br />
डियाज २०१९ को जनवरीमा म्यानचेस्टर सिटीबाट रियालमा ६ वर्षको सम्झौता गरेर सरूवा भएका थिए। तर, उनले रियालबाट नियमित खेल्ने अवसर पाउन संघर्ष गर्नुपरेको थियो। त्यसअघि उनी २०१५ मा अर्को लालिगा क्लब मलागाबाट सिटीसँग अनुबन्ध भएका थिए। <em>एजेन्सी</em></p>
प्रतिक्रिया दिनुहोस्
.jpg)
