बुन्डेसलिगाको नयाँ सिजनमा पनि पाँच खेलाडी परिवर्तन गर्न पाइने
<p>एजेन्सी। जर्मनीमा फुटबलका नयाँ सिजनमा पनि क्लबहरुले पाँच खेलाडी परिवर्तन गर्न पाउने नियमलाई निरन्तरता दिने भएको छ। </p>
<p>जर्मनीमा शीर्ष दुई श्रेणीको लिगका ३६ क्लब पाँच खेलाडी परिवर्तन गर्न पाउनुपर्ने पक्षमा उभिएका थिए। कोभिड–१९ का कारण रोकिएको लिग पुन: सुरु हुँदा पाँच खेलाडी परिवर्तन गर्न पाउने नियम बनाइएको थियो। </p>
<p>इङ्लिस प्रिमियर लिगमा नयाँ सिजन तीन खेलाडीमात्र परिवर्तन गर्न पाउनुपर्ने पक्षमा उभिएको छ। तथापी जर्मनीका क्लबहरु भने पाँच खेलाडी नै परिवर्तन गर्न पाउनुपर्ने पक्षमा उभिएका हुन्। </p>
<p>फिफा र नियम बनाउने प्यानल आईएफएबीले गत मेमा खेल तालिका परिवर्तन गर्दा धेरै खेल खेल्नुपर्ने भएका कारण खेलाडी थाक्न सक्ने हुनाले पाँच खेलाडी परिवर्तन गर्न स्वीकृति दिएको थियो।</p>
<p>यो नियम २०२१ जुलाईसम्म लागू हुने बताइएको थियो। अन्तर्राष्ट्रिय खेलमा अगष्ट २०२१ सम्म लागू हुनेछ।</p>
<p>यसअघि सुरु भएको फ्रेन्च लिग वानमा पनि पाँच खेलाडी परिवर्तन गर्न पाउने नियम कायम राखिएको छ। स्पेनिस ला लिगाले भने यसबारे केही निणर्य गरेको छैन। </p>
<p>बुन्डेसलिगामा खेलअघि कोभिड–१९ परिक्षण गर्नुपर्ने नियम नयाँ सिजनमा पनि कायमै छ। तथापी रंगशालामा दर्शक प्रवेश पाउने अपेक्षामा क्बलहरु रहेका छन्। </p>
<p>आरबी लाइपजिगले बुन्डेसलिगाको पहिलो घरेलु खेलमा आठ हजार ५०० दर्शक उपस्थित हुन अपेक्षा गरेको छ। लाइपजिगले २० सेप्टेम्बरमा खेल्नेछ। अन्य क्लबले पनि थोरै दर्शकको उपस्थितमा खेल्ने योजना बनाएको छ। </p>
प्रतिक्रिया दिनुहोस्
.jpg)
