प्रिमियर लिगले रद्द गर्यो चीनियाँ कम्पनीसँगको ५६ करोड ४० लाख पाउण्डको सम्झाैता
<p>काठमाडौं। इङ्लिस प्रिमियर लिगले बिहीबार चीनियाँ कम्पनीसँग भएको ५६ करोड ४० लाख पाउण्डको टेलिभिजन ब्रोडकाष्ट सम्झौता रद्द गरेको छ। </p>
<p>प्रिमियर लिगको चीन सबभन्दा ठुलो आकर्षक टेलिभिजन प्रशारण अधिकार क्षेत्र हो। २०१९ मा प्रिमियर लिग र चीनियाँ कम्पनीबीच तीन वर्षका लागि सम्झैता भएको थियो। </p>
<p>सम्झौता रद्द हुनमा राजनीतिक भन्दा आर्थिक कारण प्रमुख रहेको जनाइएको छ। बीबीसीकाअनुसार प्रशारण अधिकारप्राप्त कम्पनी पीपीटिभीले पछिल्लो पटक मार्चमा १६ करोड पाउण्ड रकम बुझाएको थियो। </p>
<p>‘‘चीनियाँ क्षेत्रमा प्रिमियर लिग प्रशारणका लागि दिइएको इजाजत सम्झैता आजैको मितीबाट समाप्त गरिएको छ,’’ प्रिमियर लिगले जारी गरेको विज्ञप्तीमा भनिएको छ, ‘‘प्रिमियर लिग यस विषयमा थप टिप्पणी गर्न चाहदैन।’’</p>
<p>पीपीटिभीको स्वामित्व सनिङ होल्डिङ्ससँग रहेको छ। चीनियाँ समूहको यस कम्पनीले इटालियन सिरी ‘ए’ क्लब इन्टर मिलानको पनि स्वमित्व लिएको छ। </p>
प्रतिक्रिया दिनुहोस्
.jpg)
