जापानी सुपरस्टार ओसाका तेस्रो चरणमा
<p>काठमाडौं। चौथो वरीयताप्राप्त जापानकी नाओमी ओसाका यूएस ओपनको तेस्रो चरणमा स्थान बनाउन सफल भएकी छन्।</p>
<p>ओसाकाले २०१८ मा पहिलो पटक ग्राण्ड स्लामको उपाधि जितेकी थिइन्।</p>
<p>ओसाकाले बुधबार आर्थर एशे रंगशालामा इटालीकी क्यामिला जियोर्गीमाथि ६–१, ६–२ को सहज विजय हासिल गरेकी थिइन्।</p>
<p>‘‘मेरो सर्भिस राम्रो भयो भन्ने लाग्छ,’’ जनवरीबाट नयाँ प्रशिक्षक विम फिसेटसँग प्रशिक्षण थालेकी ओसाकाले भनिन्, ‘‘मेरो प्रदर्शनबाट खुशी छु। प्रतियोगितामा लामो यात्रा तय गर्नेमा सकरात्मक छु।’’</p>
<p>ओसाकाले अब मार्टा कोस्ट्युकसँग प्रतिस्पर्धा गर्नेछिन्। युक्रेनकी कोस्ट्युकले ३१औं वरीयताप्राप्त लातभियाकी अनास्तासिजा सोवास्तोवालाई ६–३, ७–६(७/५) को सेटका पराजित गरेकी थिइन्।</p>
<p>त्यस्तै छैटौं वरीयताकी पैत्रा केभितोभाले तेस्रो चरणमा स्थान बनाएकी छन्। चेक गणतन्त्रकी केभितोभाले युक्रेनकी क्याटेरिना कोज्लोभालाई ७–६(७/३), ६–२ को सेटमा हराएकी हुन्।</p>
<p>२०११ र २०१४ को विम्बल्नड विजेता केभितोभाले अब अमेरिकाकी जेसिका पेगुलासँग प्रतिस्पर्धा गर्नेछिन्। पेगुलाले बेल्जियमकी क्रिष्टिन फ्लिपकेन्सलाई ७–६(७/१), ६–७(३/७), ६–३ को सेटमा पराजित गरेकी थिइन्।</p>
प्रतिक्रिया दिनुहोस्
.jpg)
