.jpg)
पीएसजीका तीन खेलाडीमा कोरोना
<p>काठमाडौं। फ्रेन्च लिग वानको क्लब पेरिस सेन्ट जर्मेन (पीएसजी)का तीन खेलाडी कोरोना भाइरस संक्रमित भएको क्लबले जनाएको छ। </p>
<p>फ्रेन्च लिग वान च्याम्पियन पीएसजीले खेलाडीको नाम भने सार्वजनिक गरेको छैन। च्याम्पियन्स लिगको फाइनलमा बायर्नसँग १-० ले पराजित भएको पीएसजीले विज्ञप्तीमा भनेको छ, ‘‘सबै खेलाडी, प्रशिक्षण टीम र अन्य कर्मचारीको कोरोना भाइरस परिक्षण गरिनेछ।’’</p>
<p>फ्रेन्च लिग वानको नयाँ सिजन सुरु भइसकेको छ। तथापी च्याम्पियन्स लिग खेलेका कारण पीएसजीले १० सेप्टेम्बरबाट मात्र नयाँ सिजन सुरुआत गर्नेछ।</p>
<p>गत महिना लिग वानको उद्घाटन खेल मार्सेले र सेन्ट इटिनेबीचको खेल पनि स्थगित भएको थियो। मार्सेलेका खेलाडीमा कोभिड–१९ पोजेटिभ देखिएपछि खेल स्थगित भएको थियो। </p>
<p>कोभिड-१९ कै कारण २०१९/२० को सिजन बीचमै स्थगित भएको थियो। जसका कारण गत अप्रिलमा १२ अंकको अग्रतासहित शीर्ष स्थानमा रहेको पीएसजीलाई विजेता घोषित गरिएको थियो। </p>
प्रतिक्रिया दिनुहोस्
.jpg)
