भर्चुअल राष्ट्रिय खुला तेक्वान्दोमा मुलपानीलाई दुई स्वर्ण
<p>काठमाडौं। मुलपानी तेक्वान्दो डोजाङले प्रथम काठमाडौं भर्चुअल राष्ट्रिय खुला तेक्वान्दो (पुम्से) प्रतियोगितामा दुई स्वर्ण जितेको छ।</p>
<p>काठमाडौं जिल्ला तेक्वान्दो संघद्वारा आयोजित प्रतियोगिताको पहिलो दिन ६ स्पर्धाको नतिजा आउदा मुलापानीको २ स्वर्ण निश्चित भएको हो।</p>
<p>त्यसबाहेक मुलपानीले ३ रजत र २ कांस्य पनि हात पा¥यो। विजेश्वरी आवसीय मावि, कैलाली, रुपन्देही र चितवनले समान १÷१ स्वर्ण जितेको आयोजक संघका अध्यक्ष अशोक खड्काले जनाएका छन्।</p>
<p>यु–१२ पुरुष एकलमा मुलपानीका भिजन तामाङ पहिलो भए। उनले ६.३३ अंक जोडे। काभ्रेस्थलीका मिराज केसी (६.२३) दोश्रो तथा मुलपानीका रोनिश नगरकोटी (६.१३) र मुलपानीकै ईश्वर पराजुली (६.०३) तेश्रो भए।</p>
<p>सोही स्पर्धाको महिलामा विजेश्वरीकी पुर्णिमा बस्नेतले स्वर्ण जितिन्। पुर्णिमाले ६.९३ अंक जोडिन्। मुलपानीकी मेलिना राई (६.५०) ले रजत तथा गोदावरी फिट्नेसकी सर्गम थापा (६.३०) र काभ्रेस्थलीकी सुस्मिता कार्की (६.२०) ले कास्य हात पारे।</p>
<p>यु–१५ पुरुष एकलमा कैलालीका अमनकुमार कठारिया ६.२६ अंकसहित शीर्ष स्थानमा रहे। मुलपानीका आयुश ढुंगेल (६.१४) द्वितीय तथा सैनिक महाविद्यालयका सुजन श्रेष्ठ (६.१३) र चन्द्रसूर्यका योग्य राई (६.०६) तृतीय बने। त्यसै स्पर्धाको महिलामा चितवनकी आचल बाज्पईं पहिलो भइन्। आचलले ६.४६ अंक प्राप्त गरिन्।</p>
<p>६.३३ अंकसाथ मुलपानीकी प्रगति कुइकेल दोश्रो भइन्। विजेश्वरीकी प्राप्ति पुन (६.१६) तथा काभ्रेस्थलीकी विनिशा खड्गी (६.१०) ले तेश्रो स्थान हासिल गरे।</p>
<p>पुरुष ३१–४० वर्ष उमेरसमूहको एकलमा रुपन्देहीका सुरज श्रेष्ठ पहिलो भए। उनले ५.९३ अंक जोडे। मैत्रीका रामचन्द्र व्यञ्जन्कार (५.६६) दोश्रो तथा बागलुङका नन्द विष्ट (५.५६) र योन्सुफका दुर्गामान तामाङ (५.३६) तेश्रो भए। उक्त स्पर्धाको महिलामा मुलपानीकी तृप्ति बुढाथोकीले डाइनामिककी जानकी तामाङलाई पछि पार्दै स्वर्ण चुमिन्। तृप्तिले ५.४३ तथा जानकीले ५.१६ अंक जोडे।</p>
<p>दुईदिने प्रतियोगितामा १९ टिमका १ सय ७० खेलाडीको सहभागिता रहेको आयोजक संघका अध्यक्ष अशोक खड्काले जनाएका छन्। पुरुषमा ६ र महिलामा ५ गरी ११ स्पर्धा समावेश छन्। दोश्रो तथा अन्तिम दिन बाँकी ५ स्वर्णको टुंगो लाग्ने छ। अध्यक्ष खड्कासहित मिन न्यौपाने, हीराबहादुर थापा, नोर्बु लामा र विक्रम खड्गीले प्रतियोगितामा निर्णायकको भूमिका निर्वाह गरिरहेका छन्।</p>
प्रतिक्रिया दिनुहोस्
.jpg)
