ज्लाटन इब्राहिमोभिचले छाडे अमेरिकी क्लब एलए ग्यालेक्सी
<p>काठमाडौं। स्वीडिस खेलाडी ज्लाटन इब्राहिमोभिचले अमेरिकी क्लब एलए ग्यालेक्सी छाडेका छन्।</p>
<p>दुई सिजन अमेरिकन मेजर सकर लिग (एमएसएल) मा खेलेपछि क्लब छाडेको इब्राहिमोभिचले सामाजिक सञ्‍जाल ट्वीटरमार्फत जानकारी गराएका छन्।</p>
<p>मार्च २०१८ मा ग्यालेक्सीमा पुगेका ३८ वर्षीय इब्राहिमोभिचले ५३ खेल खेल्दै ५२ गोल गरेका थिए। </p>
<p>‘तिमी ज्लाटन चाहन्थ्यौं, मैले ज्लाटन दिए, स्वागतम्,’ फ्यानहरुका लागि उनले यस्तो सन्देश दिएका छन्।</p>
<p>इब्राहिमोभिचले अब इटालियन क्लब एसी मिलान जाने चर्चा भइरहेको छ। जहाँ उनले सन् २०१० देखि २०१२ सम्म खेलेका थिए।</p>
<p>एलए ग्यालेक्सीका अध्यक्ष क्रिज क्लेनले ज्लाटनको कामप्रति कृतज्ञता व्यक्त गरेका छन्। </p>
<p>उनले ज्लाटन एलए ग्यालेक्सीमा आएपछि लस एन्जलसको फुटबलमा सकारात्मक प्रभाव परेको बताए।</p>
<p>ज्लाटन दुवै सिजनमा एमएसएसको बेस्ट एघारमा अटाएका थिए।</p>
प्रतिक्रिया दिनुहोस्
.jpg)
