इमर्जिङ टिम्स कप: पवनको अर्धशतकमा नेपालले भारतलाई दियो १९४ रनको लक्ष्य
<p>काठमाडौं। बंगलादेशमा भइरहेको एसीसी इमर्जिङ टिम्स एसिया कपमा नेपालले भारतलाई १९४ रनको लक्ष्य दिएको छ।</p>
<p>टस हारेर पहिले ब्याटिङ गरेको नेपाल ४४.५ ओभरमा १९३ रनमा अलआउट भएको हो।</p>
<p>नेपालको लागि पवन सर्राफले अर्धशतक प्रहार गरे। छैटौं नम्बरमा ब्याटिङ गरेका पवनले सर्वाधिक ५६ रन बनाए।</p>
<p>४९ बल खेलेका उनले ७ चौका प्रहार गरे। यस्तै शरद भेषावकरले ४४ रन योगदान गरे।</p>
<p>कुशल भुर्तेलले २८, दीपेन्द्र सिंह ऐरीले २४ र करण केसीले २० रन जोडे।</p>
<p>भारतका लागि सौरभ दुवेले सर्वाधिक ४ विकेट लिए। यस्तै यस राथोडले ३ तथा पार्थ रेखाडेले २ विकेट लिए।<br />
</p>
प्रतिक्रिया दिनुहोस्
.jpg)
