यू-१९ महिला क्रिकेट: नेपालले चीनलाई ८ विकेटले हरायाे
<p>काठमाडौं। चीनमा भइरहेकाे बि एण्ड आर कप यू-१९ महिला क्रिकेटमा नेपालले पहिलाे जित हात पारेकाे छ।</p>
<p>२७ कात्तिकमा भएकाे खेलमा नेपालले चीनलाई ८ विकेटले पराजित गरेकाे हाे।</p>
<p>नेपालले ३८ रनकाे लक्ष्य ६ ओभर खेल्दै दुई विकेट गुमाएर पूरा गरेकाे हाे।</p>
<p>नेपालका लागि कविता कुँवरले ११ रन बनाइन् भने लक्ष्मी साउदले नटआउट ९ रन जाेडिन्।</p>
<p>त्यसअघि नेपालले घातक बलिङ गर्दा घरेलु टाेली चीन १० ओभरमै ३७ रनमा अलआउट भएकाे थियाे।</p>
<p>चीनले ब्याट्सवुमनबाट १८ रन जाेड्दा १९ रन अतिरिक्तबाट पाएकाे थियाे।</p>
<p>चीनलाई अलआउट टार्न नेपालका लागि ईश्वरी विष्टले ३ तथा कविता कुँवर र खुशी डंगाेलले २-२ विकेट लिए।</p>
<p>नेपालले अब तेस्राे खेल म्यानमारसँग खेल्नेछ।</p>
प्रतिक्रिया दिनुहोस्
.jpg)
