सेबास्टियन हेलरको ह्याट्रिकमा वेस्टह्याम युनाइटेड विजयी
<p>काठमाडौं। सेबास्टियन हेलरको ह्याट्रिकप्रेरित वेस्टह्याम युनाइटेडले आज भएको मैत्रीपूर्ण खेलमा इप्सविच टाउनलाई ४-१ को नतिजामा पराजित गरेको छ।</p>
<p>टाउनको घरेलु मैदानमा भएको खेलको ४४औं मिनेटमा हेलरले गरेको गोलसँगै पहिलो हाफमा वेस्टह्यामले १-० को अग्रता लिएको थियो।</p>
<p>दोस्रो हाफमा थप आक्रमक बनेको वेस्टह्यामले तीन गोल थप्दा एक गोल खायो। खेलको ६०औं मिनेटमा वेस्ट ह्यामको अग्रता दोब्बर बनाएका हेलरले त्यसको चार मिनेट नबित्दै ह्याट्रिक पूरा गरेका थिए।</p>
<p>तर, त्यसअघि नै ६२औं मिनेटमा टाउनका फ्रेडी सियर्सले एक गोल फर्काएका थिए भने वेस्टह्यामका थोमस सोचकले ६३औं मिनेटमा एक गोल गरेका थिए।</p>
<p>वेस्टह्यामले सेप्टेम्बर १२ मा न्युक्यासलसँग खेल्दै इङ्लिस प्रिमियर लिगको नयाँ सिजनको सुरुआत गर्नेछ।</p>
प्रतिक्रिया दिनुहोस्
.jpg)
