मैत्रीपूर्ण खेलमा न्युक्यासल विजयी
<p>एजेन्सी। नयाँ सिजनको तयारीमा रहेको न्युक्यासल युनाइटेडले आज भएको मैत्रीपूर्ण खेलमा क्रिउ अलेक्जान्ड्रालाई ३-० गोलको नतिजामा पराजित गरेको छ।</p>
<p>चेक गणतन्त्रको स्ट्राहोभ रंगशालामा भएको खेलमा न्युक्यासललाई जित दिलाउन एन्डी क्यारोल, क्रिस्टियन आट्सु र फेडेरिको फर्नान्डेजले एक/एक गोल गरे।</p>
<p>न्युक्यासलले खेलको ३९औं मिनेटमा क्यारोलले गरेको गोलबाट पहिलो हाफमा १-० को अग्रता लिएको थियो।</p>
<p>दोस्रो हाफमा पनि अलेक्जान्ड्रामाथि हाबी बनेको न्युक्यासलका लागि ४७औं मिनेटमा आट्सुले दोस्रो गोल गरे।</p>
<p>त्यस्तै ७२औं मिनेटमा फर्नान्डेजले गरेको गोलसँगै न्युक्यासलले सहज जित निश्चित गर्‍यो।</p>
<p>न्युक्यासलले सेप्टेम्बर १२ मा वेस्टह्यामसँग खेल्दै इङ्लिस प्रिमियर लिगको नयाँ सिजनको सुरुआत गर्नेछ।</p>
प्रतिक्रिया दिनुहोस्
.jpg)
