रोनाल्डिन्हो पाँच महिनापछि रिहा
<p>काठमाडौं। पाराग्वेमा घरमै नजरबन्दमा रहेका बार्सिलोना तथा ब्राजिलका पूर्व स्टार रोनाल्डिन्हो पाँच महिनापछि रिहा भएका छन्।</p>
<p>नक्कली पासपोर्ट बोकेर पाराग्वे प्रवेश गर्न लागेको अभियोगमा मार्चमा भाई रोबर्टो एसिससँगै विमानस्थलबाटै पक्राउ परेका रोनाल्डिन्हो नेपाली समयअनुसार आज विहान रिहा भएका हुन्। </p>
<p>ब्राजिलले २००२ को विश्वकप जित्दाका मुख्य खेलाडी रोनाल्डिन्हो र उनका भाईलाई विमानस्थलमा पक्राउ गरेपछि सोझै जेल चलान गरिएको थियो। ३२ दिन जेलमा बसेपछि उनीहरुलाई आफ्नै खर्चमा पाराग्वेकै एक होटलमा नजरबन्दमा बस्ने सुविधा दिइएको थियो।</p>
<p>नजरबन्दबाट मुक्त भए पनि थप सजायस्वरुप रोनाल्डिन्होले ९० हजार र उनका भाईले १ लाख १० हजार डलर जरिबाना भनभे तिर्नुपर्नेछ।</p>
<p>ब्राजिली राष्ट्रिय टोलीका लागि १९९९ देखि २०१३ को बीचमा रोनाल्डिन्होले ९७ अन्तर्राष्ट्रिय खेल खेल्दै ३३ गोल गरेका थिए। </p>
<p>२००५ मा बालन डी अर उपाधि जितेका रोनाल्डिन्होले व्यावसायिक फुटबलमा बार्सिलोनाका साथै पेरिस सेन्ट जर्मन र एसी मिलानबाट पनि खेलेका थिए।</p>
प्रतिक्रिया दिनुहोस्
.jpg)
