अन्तिम टेष्टमा इङ्ल्यान्डको दमदार सुरुआत
<p>काठमाडौं। ज्याक क्राउलीले अविजित १७१ तथा जोस बोट्लरले अविजित ८७ रन बनाएपछि पाकिस्तानविरुद्धको तेस्रो टेष्टमा इङ्ल्यान्डले दमदार सुरुआत गरेको छ।</p>
<p>घरेलु टीम इङ्ल्यान्डले पहिलो दिनको समाप्तिमा चार विकेट गुमाएर ३३२ रन बनाएको छ। क्राउली र बट्लरले पाँचौं विकेटका लागि २०५ रनको साझेदारीपछि पाकिस्तानका बलर निराश बनेका थिए।</p>
<p>क्राउलीले २६९ बल खेल्दा १९ चौका प्रहार गरे। टेष्ट करियरमा उनको सबैभन्दा उच्च रन हो। यसअघि उनले ७६ रन बनाएका थिए। २२ वर्षे क्राउलीको यो आठौं टेष्ट खेल हो। </p>
<p>दोस्रो टेष्टमा टीममा नपरेका क्राउलाई अर्का अलराउन्डर बेन स्टोक्स पारिवारिक कारण उपलब्ध नहुने भएपछि तेस्रो टेष्टमा पुन: बोलाइएको थियो। २०१८ पछि इङ्ल्यान्डले ब्याट्सम्यानले तेस्रो नम्बरमा आएर शतक प्रहार गरेको यो पहिलो हो।</p>
<p>एक समय इङ्ल्यान्ड १२७/४ को स्थितिमा थियो। रोरी बर्नस् ६, डोब सिबले २२ जो रुट २९ तथा ओली पोपे ३ रन बनाएर पवेलियन फर्किएका थिए।</p>
<p>पाकिस्तानका यासिर शाहले दुई विकेट लिँदा शाहीन शाह अफ्रिदी र नासीम शाहले समान एक एक विकेट लिए।</p>
<p>तीन खेलको टेष्ट शृंखलामा इङ्ल्यान्ड १-० ले अगाडी छ। पहिलो टेष्ट इङ्ल्यान्डले तीन विकेटले जितेको थियो भने दोस्रो टेष्ट वर्षाले प्रभावित भएपछि बराबरीमा सकिएको थियो।</p>
प्रतिक्रिया दिनुहोस्
.jpg)
