तेक्वान्दोकर्मीको कोरोना बीमा गरिने
<p>काठमाडौं। काठमाडौं जिल्ला तेक्वान्दो संघले २ सय जनाको कोरोना बीमा गरिदिने भएको छ। काठमाडौं जिल्लामा रहेका विभिन्न तेक्वान्दो डोजाङका करिब २ सय जना डोजाङ प्रमुखको कोरोना बीमा गरिदिने काठमाडौं जिल्लाका अध्यक्ष अशोक खड्काले जानकारी गराएका छन्।</p>
<p>जिल्ला संघको बिहीबार बसेको अनलाइन बैठकले उक्त निर्णय गरेको अध्यक्ष खड्काले जानकारी गराए। खड्काका अनुसार प्रत्येकको ५० हजार रुपैयाँ बराबरको कोरोना बिमा गरिनेछ।</p>
<p>तेक्वान्दोकर्मीको कोरोना बिमामा लाग्ने रकमको ५० प्रतिशत जिल्ला संघ तथा बाँकी ५० प्रतिसत रकम सगरमाथा तेक्वान्दो डोजाङका प्रशिक्षक धीरज गुरुङले प्रायोजन गर्ने खड्कालाई उद्यृत गर्दै राष्ट्रिय खेलकुद परिषदले जनाएको छ। </p>
<p>कोरोना भाइरसको महामारीका कारण खेलकुदका गतिविधिहरु पूर्ण रुपमा बन्द भएका बेला काठमाडौं जिल्ला तेक्वान्दो संघले भर्चुअल प्रतियोगिता गर्ने योजना बनाएको खड्काले बताएका छन्। उनका अनुसार यहि अगष्ट २९ र ३० तारिखमा प्रथम काठमाडौं भर्चुअल तेक्वान्दो प्रतियोगिता (पुम्से) हुनेछ।<br />
</p>
प्रतिक्रिया दिनुहोस्
.jpg)
