इन्टर मिलानका लोजारो लोनमा मोन्चेनग्लाडबाच पुगे
<p>काठमाडौं। भ्यालेन्टिनो लोजारो इटालियन क्लब इन्टर मिलानबाट लोनमा जर्मन क्लब बोरुसिया मोन्चेनग्लाडबाच पुगेका छन्। अस्ट्रियाका २४ वर्षीय लोजारो आगामी सिजन २०२०/२१ का लागि जर्मनी पुगेका हुन्।</p>
<p>गतवर्ष जर्मनीकै क्लब हेर्था बर्लिनबाट लोजारोलाई अनुबन्ध गरेको इन्टरले न्युक्यासल युनाइटेडलाई लोन मै दिएको थियो।</p>
<p>न्युक्यासलका लागि १५ खेल खेलका लोजारोले सबै खाले प्रतियोगितामा गरी दुई गोल गरेका थिए। </p>
<p>मोन्चेनग्लाडबाचका स्पोर्टिङ डाइरेक्टर म्याक्स एबर्ललले उनले आफ्नो क्लब रोजेकोमा खुशी व्यक्त गरेका छन्।</p>
<p>“उनी एक प्रतिभावान् खेलाडी हुन्,” उनले भने, “उनको आगमनसँगै टोलीको क्षमता थप सुदृढ भएको छ।”</p>
<p>मोन्चेनग्लाडबाचले सेप्टेम्बर १८ मा बोरुसिया डर्टमन्डविरुद्ध खेल्दै बुन्डेसलिगाको नयाँ सिजन सुरुआत गर्नेछ।</p>
<p>गत सिजन चौथो स्थानमा रहेर सिजन टुङ्ग्याएको मोन्चेनग्लाडबाचले आगामी सिजन च्याम्पियन्स लिगमा स्थान सुरक्षित गरिसकेको छ।<br />
</p>
प्रतिक्रिया दिनुहोस्
.jpg)
