ट्रिन्बागोसँग जमैका पराजित, सन्दीपले लिए एक विकेट
<p>काठमाडाैं। मंगलबारदेखि सुरु भएको क्यारेबियन प्रिमियर लिग (सीपीएल)मा सन्दीप लामिछानेको टोली जमैका तल्लावाज आफ्ने दोस्रो खेलमा पराजित भएको छ।</p>
<p>अहिले बिहान सम्पन्न खेलमा सन्दीपको जमैका ट्रिन्बागो नाइट राइडर्ससँग ७ विकेटले पराजित भएको हो।</p>
<p>ब्रिएन लारा एकेडेमी रंगशालामा भएको खेलमा टस हारेर पहिले ब्याटिङको निम्तो पाएको जमैकाले निर्धारित २० ओभरमा ८ विकेट गुमाएर १३५ रनको योगफल तयार गरेको थियो।</p>
<p>१३७ रनको विजय लक्ष्यसहित जवाफी ब्याटिङमा उत्रिएको ट्रिन्बागोले १८.१ ओभरमा ३ विकेट गुमाएर १३६ रन बनायो।</p>
<p>सन्दीपले ट्रिन्बागोका लागि ३७ बलमा सात चाैका र दुई छक्कासहित ५३ रन बनाएका सुनील नारायणलाई कार्लोस ब्रेथवेटको हातबाट क्याच आउट गराएका हुन्।</p>
<p>बुधबार भएको सेन्ट लुसिया जोक्सविरुद्धको पहिलो खेलमा पनि सन्दीपले ४ ओभरमा २३ रन खर्चेर एक विकेट लिएका थिए।</p>
<p>जितसँगै ट्रिन्बागो दुई खेलबाट चार अंक जोड्दै तालिकाको शीर्ष स्थानमा उक्लिएको छ। दोस्रो स्थानका गुयना अमेजन वारियर्स, तेस्रो स्थानको सेन्ट लुसिया र तेस्रो स्थानको जमैकाको समान दुई/दुई अंक छ।</p>
प्रतिक्रिया दिनुहोस्
.jpg)
