सन्दीपको जमैकाले ट्रिन्बागोलाई दियो १३६ रनको लक्ष्य
<p>काठमाडाैं। नेपाली राष्ट्रिय टोलीका स्टार स्पिनर सन्दीप लामिछाने सम्मिलित जमैका तल्लावाजले जारी सिजनको दोस्रो खेलमा ट्रिन्बागो नाइट राइडर्सलाई १३६ रनको लक्ष्य दिएको छ।</p>
<p>टस हारेर ब्याटिङको निम्तो पाएको जमैकाले निर्धारित २० ओभरमा ८ विकेट गुमाएर १३५ रनको योगफल तयार पारेको हो।</p>
<p>जमैकाका लागि ओपनर ग्लेन फिलिप्सले अर्धशतकीय इनिङ खेल्दै सर्वाधिक ५८ रनको योगदान गरे। ४२ बलको सामना गरेका उनले पाँच चाैका र चार छक्का प्रहार गरेका थिए।</p>
<p>अर्का ओपनर चाडविक वाल्टनलाई शून्यमा गुमाएको जमैकाका लागि आसिफ अलीले २२, एन्ड्रे रसलले २५, कप्तान राेभ्सम्यान पोवेलले ८ तथा कार्लोस ब्रेथवेट र फिडेल एडवार्ड १/१ रनमा आउट हुँदा रमाल लेविस १५ तथा सन्दीप लामिछाने शून्यमा अविजित रहे।</p>
<p>१३६ को विजय लक्ष्यसहित जवाफी ब्याटिङमा उत्रिएको ट्रिन्बागोले ४.४ ओभरको समाप्तिमा १ विकेट गुमाएर २४ रन बनाएको छ।</p>
<p>बुधबार रातिको पहिलो खेलमा जमैकाले सेन्ट लुसिया जोक्सलाई ५ विकेटले पराजित गरेको थियो।</p>
प्रतिक्रिया दिनुहोस्
.jpg)
