चेल्सीले ब्राइटनसँग खेल्दै नयाँ सिजन सुरु गर्ने
<p>काठमाडौं। चेल्सीले ब्राइटनसँग खेल्दै अर्को महिना सुरु हुने इङ्लिस प्रिमियर लिगको नयाँ सिजनको सुरुआत गर्ने भएको छ।</p>
<p>नयाँ सिजन सुरु भएकै राति पौने १ बजे ब्राइटनको मैदानमा खेल्दै चेल्सीले नयाँ सिजनको सुरुआत गर्ने भएको हो।</p>
<p>त्यस्तै, दोस्रो हप्ताको खेलमा चेल्सीले घरेलु मैदानमा साविक विजेता लिभरपुलको सामना गर्नेछ।</p>
<p>आज सार्वजनिक भएको सिजनको खेल तालिकाअनुसार सेप्टेम्बर १२ बाट सुरु हुने नयाँ सिजनको पहिलो दिन एकै समयमा ६ खेल हुनेछन्।</p>
<p>यसरी नेपाली समयअनुसार सेप्टेम्बर १२ तारिख राति पौने ८ बजे हुने ६ खेलमा क्रिस्टल प्यालेस र साउथह्याम्टन, फुलह्याम र आर्सनल, लिभरपुल र लिड्स, टोटेनह्याम र एभर्टन, वेस्टब्रोम र लेस्टर सिटी तथा वेस्टह्याम न्युक्यासल भिड्नेछन्।</p>
<p>त्यस्तै सोही दिन राति पौने १ बजे हुने खेलमा ब्राइटन र चेल्सी तथा सेफिल्ड युनाइटेड र वुल्भ्स आमनेसामने हुनेछन्। </p>
<p><img alt="FR v2" src="https://resources.premierleague.com/photos/2020/08/20/f8cfead6-0b4a-4dee-8fad-0e682605a3c2/Fixture-Release-Updated.jpg?width=930&height=620" /></p>
प्रतिक्रिया दिनुहोस्
.jpg)
