सेन्ट लुसियाले जमैकालाई दियो १५९ रनको लक्ष्य, सन्दीपले लिए १ विकेट
<p>काठमाडौं। नेपाली राष्ट्रिय टोलीका स्टार स्पिनर सन्दीप लामिछाने सम्मिलित जमैका तल्लावाजले सिजनको पहिलो खेलमा सेन्ट लुसियाविरुद्ध १ सय ५९ रनको विजय लक्ष्य पाएको छ।</p>
<p>ट्रिनिडाडको ब्रिएन लारा एकेडेमी रंगशालामा जारी खेलमा टस हारेर पहिलो ब्याटिङको निम्तो पाएको सेन्ट लुसियाले रोस्टोन चेजको अर्धशतक मद्दतमा निर्धारित २० ओभरमा ७ विकेट गुमाएर १ सय ५८ रनको योगफल तयार गर्‍यो।</p>
<p>जमैकाका लागि आफ्नो कोटाको पूरा चार ओभर बलिङ गरेका सन्दीपले २३ रन खर्चेर एक विकेट लिए। जमैकाका लागि मुजव अर रहमान र भिरास्यामी पर्माउलले दुई÷दुई तथा एन्ड्री रसेलले एक विकेट लिए।</p>
<p>सन्दीपले २१ बलमा एक चौका र एक छक्कासहित २५ रन बनाएका सेन्ट लुसियाका नजिबुल्लाल जाड्रानलाई कप्तान रोभम्यान पवेलको हातबाट क्याच आउट गरे।</p>
<p>सेन्ट लुसियाका लागि रोस्टोन चेजले सर्वाधिक अर्धशतकीय इनिङ खेल्दै ५२ रनको योगदान गरे। ४२ बलको सामना गरेका चेजले दुई छक्का र चार चौका प्रहार गर्दै रहमानको बलमा ओसेन थोमसको हातबाट क्याच आउट भए।</p>
<blockquote class="twitter-tweet">
<p dir="ltr" lang="en">EYES ON THE PRIZE!!! <a href="https://twitter.com/hashtag/CPL20?src=hash&ref_src=twsrc%5Etfw">#CPL20</a> <a href="https://twitter.com/hashtag/JTvSLZ?src=hash&ref_src=twsrc%5Etfw">#JTvSLZ</a> <a href="https://twitter.com/hashtag/CricketPlayedLouder?src=hash&ref_src=twsrc%5Etfw">#CricketPlayedLouder</a> <a href="https://t.co/8QMqe2vs4c">pic.twitter.com/8QMqe2vs4c</a></p>
— CPL T20 (@CPL) <a href="https://twitter.com/CPL/status/1296112295831953413?ref_src=twsrc%5Etfw">August 19, 2020</a></blockquote>
<p> </p>
प्रतिक्रिया दिनुहोस्
.jpg)
