धेरै कमाउने महिला खेलाडीको सूचीमा टेनिसको वर्चश्व
<p style="text-align: justify;">काठमाडौं। अमेरिकी बिजनेस म्यागजिन फोर्ब्सका अनुसार गत वर्ष धेरै कमाउने शीर्ष १० महिला खेलाडीमध्ये ९ जना टेनिसबाट रहेका छन्।</p>
<p style="text-align: justify;">जापानकी नाओमी ओसाका शीर्ष स्थानमा छिन्। ओसाकाले गत वर्ष तीन करोड ७४ लाख अमेरिकी डलर कमाएकी थिइन्।</p>
<p style="text-align: justify;">दोस्रो स्थानमा रहन सफल अमेरिकाकी सेरेना विलियम्सले तीन करोड ६० लाख अमेरिकी डलर कमाएकी छन्।</p>
<p style="text-align: justify;">विश्व नम्बर एक एशलेघ बार्टी तेस्रो स्थानमा छिन्। बार्टीले एक करोड ३१ लाख अमेरिकी डलर कमाएकी थिइन्।</p>
<p style="text-align: justify;">टेनिसबाहेक शीर्षमा अमेरिकाकी फुटबल खेलाडी एलेक्स मोर्गान छिन्।</p>
<p style="text-align: justify;">दशौं स्थानमा रहेकी मोर्गानले ४६ लाख अमेरिकी डलर कमाएकी थिइन्। मोर्गानकै प्रेरणमा अमेरिकाले २०१९ जुलाईमा महिला फुटबल विश्वकपको उपाधि जितेको थियो।</p>
<p style="text-align: justify;">गत मेमा पहिलो बच्चालाई जन्म दिएकी मोर्गानले ४२ लाख अमेरिकी डलर विज्ञापनबाट कमाएकी थिइन्।</p>
<p style="text-align: justify;">फोर्ब्सले २०१९ जुन १ बाट २०२० जुन १ सम्मको कमाइलाई आधार मानेको थियो।</p>
<p style="text-align: justify;">ओसाका र सेरेनाले यसअघिको कीर्तिमान तोडेका छन्। यसअघि रूसकी मारिया सारापोभाले २०१५ मा दुई करोड ९७ लाख अमेरिकी डलर कमाएर कीर्तिमान बनाएकी थिइन्।</p>
<p style="text-align: justify;">फोर्ब्सले प्रकाशित गरेको धेरै कमाउने खेलाडीहरूको सूचीमा भने ओसाका २९ र सेरेना ३३औं स्थानमा छन्।</p>
.jpg)
