सन्दीपले लिए सीपीएलमा जमैकाका लागि पहिलो विकेट
<p>काठमाडौं। क्यारेबियन प्रिमियर लिग (सीपीए)अन्तर्गत सेन्ट लुसिया जोक्सविरुद्ध जारी खेलमा नेपाली युवा स्पिनर सन्दीप लामिछानेले जमैका तल्लाजावका लागि आफ्नो पहिलो विकेट लिएका छन्।</p>
<p>राष्ट्रिय टोलीका नियमित सदस्यसमेत रहँदै आएका स्टार स्पिनर सन्दीपले नवौं ओभरमा पहिलो पटक बलिङ गर्दै आठ रन खर्चिएका थिए।</p>
<p>ब्रियन लारा एकेडेमी रंगशाला ट्रिनिडाडमा टस जितेर फिल्डिङ रोजेको जमैकाका लागि सन्दीपले चौथो विकेटको रूपमा सेन्ट लुसियाका नजिबुल्लाह जार्डानलाई कप्तान रोभ्मन पावेलको हातबाट क्याच आउट गरेका हुन्।</p>
<p>जार्डानले २१ बलमा १ चाैका १ छक्कासहित २५ रन बनाएका थिए।</p>
<p>यसअघि जमैकाका लागि भिरा स्यामिपर्माउलले दुई तथा एन्ड्री रसलले एक विकेट लिएका थिए। सेन्ट लुसियाका लागि एन्ड्री फ्लेटचर २१ बलमा २ चौका र १ छक्कासहित २२ रन बनाएर पभेलियन फर्केका छन्। त्यस्तै अर्का ओपनर सेन्ट लुसियाका लागि ९ बलमा २ चौकासहित ९ रन बनाएर आउट हुँदा मार्क डिएल ६ बल खेलेर १ चौका २ छक्कासहित १७ रन बनाएर पभेलियन फर्के।</p>
<p>सेन्ट लुसियाका लागि रोस्टोन चेज ३६ तथा मोहमद नबी खेलिरहेका छन्। १७.२ ओभरको समाप्तिमा सेन्ट लुसियाले ५ विकेट गुमाएर १४४ रन बनाएको छ।</p>
<p>हिजोबाट सुरु भएको प्रतियोगितामा आज पहिलो खेल खेलिरहेको जमैकाले भदाै ५ गते दोस्रो खेलमा ट्रिन्बागो नाइट राइडर्सको सामना गर्नेछ।</p>
प्रतिक्रिया दिनुहोस्
.jpg)
