महिला सेन्ट्रल जोन भलिबल: नेपाल आज किर्गिस्तानसँग खेल्दै
<p>काठमाडौं। बंगलादेशमा भइरहेको एभीसी सिनियर वुमन्स सेन्ट्रल जोन भलिबल च्याम्पियनसीपको दोस्रो खेलमा नेपाल आज किर्गिस्तानसँग खेल्दैछ।</p>
<p>पहिलो खेलमा अफगानिस्तानलाई सहजै पराजित गरेको नेपाल लगातार दोस्रो जित हात पार्ने योजनामा छ।</p>
<p>नेपालले पहिलो पटक महिला भलिबलमा किर्गिस्तानसँग खेल्न लागेको हो।</p>
<p>ढाका मिरपुरस्थित शहीद सुह्रावर्दी ईन्डोर स्टेडियममा नेपाल र किर्गिस्तानबीचको खेल नेपाली समय अनुसार १२:४५ बजे शुरु हुनेछ।</p>
<p>किर्गिस्तान पहिलो खेलमा माल्दिभ्ससँग ३-२ को सेटमा पराजित भएको थियो। त्यसैले पहिलो जितको खोजीमा हुनेछ।</p>
<p>नेपालले भने आफ्नो पहिलो खेलमा अफ्गानिस्तानलाई कुनै पनि सेटमा दोहोरो स्कोर छुन दिएको थिएन।</p>
<p>राउण्ड रोबिन लिगका आधारमा सञ्चालन भइरहेको च्याम्पियनसीपमा नेपालले २६ कात्तिकमा बंगलादेश र २७ कात्तिकमा माल्दिभ्ससँग खेल्नेछ।</p>
<p> राउण्ड रोबिन लिगपछि शीर्ष दुईमा रहने टीमले उपाधिका लागि प्रतिस्पर्धा गर्नेछन् ।</p>
प्रतिक्रिया दिनुहोस्
.jpg)
