सात दिनभित्र आर्थिक विवरण पठाउन बक्सिङ संघलाई राखेपको निर्देशन
<p style="text-align: justify;">काठमाडौं। राष्ट्रिय खेलकूद परिषद् (राखेप) ले नेपाल बक्सिङ संघका अध्यक्ष राम अवालेलाई आर्थिक विवरणसँगै संघले गरेका सम्पूर्ण कामको विवरण एक हप्ताभित्र पठाउन निर्देशन दिएको छ। </p>
<p style="text-align: justify;">राखेपका संघसंस्था समन्वय शाखाका प्रमुख ज्ञानेन्द्र श्रेष्ठले संघका अध्यक्ष अवालेलाई संघका सबै कामकारवाही र आर्थिक विवरण एक साताभित्र उपलब्ध गराउन हिजो पत्र पठाएका हुन्। </p>
<div class="widget-news">
<div class="white-background-news">
<div class="title-2">सिफारिस</div>
<div class="news-snippet"><a class="img-holder sm" href="/news/20392" target="_blank" title="बक्सिङ संघ विवादमा महासचिव भट्टाचार्य भन्छन्- ‘अध्यक्षको नियतमा खोट देखिन्छ’ (भिडिओसहित)"><img alt="" src="https://img.dekhapadhi.de/uploads/posts/1596694872.sabin bhattacharya.jpg" /></a>
<div class="details">
<h5 class="title"><a href="/news/20392" target="_blank">बक्सिङ संघ विवादमा महासचिव भट्टाचार्य भन्छन्- ‘अध्यक्षको नियतमा खोट देखिन्छ’ (भिडिओसहित)</a></h5>
</div>
</div>
</div>
</div>
<p style="text-align: justify;">अध्यक्ष अवालेले बक्सिङ संघलाई एकलौटीरूपमा चलाएको, चार वर्षको कार्यकालमा साधारण सभासमेत गर्न नसकेको तथा विधानविपरीत काम गरेको भनी संघका महासचिव सविन भट्टाचार्य र कोषाध्यक्ष गौतम सुजखुले गत १४ असारमा राखेपमा उजूरी दर्ता गराएका थिए। </p>
<p style="text-align: justify;">उजूरीपछि राखेपले अध्यक्ष अवालेलाई चाँडोभन्दा चाँडो आर्थिक कारोवारको विवरण उपलब्ध गराउन निर्देशन दिएको छ। महासचिव भट्टाचार्यले संघको कार्यसमिति बैठकमा आफूमाथि हातपात भएको समेत आरोप लगाएका छन्। </p>
<p style="text-align: justify;">अध्यक्ष अवालेले भने आफूमाथि लगाइएको आरोप सत्य नभएको बताउँदै बैठकमा आर्थिक प्रतिवेदनमाथि छलफल हुँदा सामान्य विवाद भएको भने स्वीकार गरेका छन्। </p>
प्रतिक्रिया दिनुहोस्
.jpg)
