पाकिस्तानविरुद्ध इङ्ल्यान्डको पुनरागमन प्रयास
<p>काठमाडौं। पाकिस्तानविरुद्ध म्यानचेस्टरको ओल्ड ट्राफोर्डमा जारी पहिलो टेष्टमा इङ्ल्यान्डले पुनरागमन गर्ने प्रयास गरेको छ। <br />
पाकिस्तानले पहिलो इनिङमा १०७ रनको अग्रता लिएको थियो। तर तेस्रो दिन सकिँदा पाकिस्तान १३७/८ को स्थितिमा छ। पाकिस्तानले २४४ रनको अग्रता लिएको छ।</p>
<p>घरेलु टीम इङ्ल्यान्डले ९२/४ को स्थितिबाट तेस्रो दिन थालेको थियो। ओले पोपे ४६ तथा जोश बट्लर १५ रनको स्थितिमा थिए। पोपेले् ६२ तथा बट्लरले ३८ रन जोडे।</p>
<p>अघिल्लो दिनको स्थितिबाट इङ्ल्यान्डले थप १२७ रन जोड्दा बाँकी छ विकेट गुमायो। पहिलो इनिङमा पाकिस्तानका यासिर शाहले चार विकेट लिए।</p>
<p>मोहम्मद अब्बासल र शाडब खानले समान दुई विकेट लिँदा शाहीन शाह अफ्रिदी र नासीम शाहले १-१ विकेट लिए। <br />
त्यसपछि दोस्रो इनिङ थालेको पाकिस्तानले १३७ रन जोड्दा आठ विकेट गुमाइसकेको छ।</p>
<p>असद सफिकले २९, मोहम्मद रिजवानले २७, अविद अलीले २०, अजहर अलीले १८, शाडबले १५ रन बनाए। मोहम्मद अब्बास शुन्य तथा यासिर शाह १२ रनमा अविजित छन्।</p>
<p>इङ्ल्यान्डका स्टुवार्ट ब्रोड, क्रिस वक्स र वेन स्टोक्सले समान दुई विकेट लिए। डम बेसको नाममा एक विकेट रह्यो।</p>
प्रतिक्रिया दिनुहोस्
.jpg)
